كلمات ما كاين باس

كلمات ما كاين باس (محمد الحياني)

كلمات المرحوم علي الحداني

ا دموعي يا اغلى ما عندي

سيلي رخيصة ما كاين باس

حتى ندوب حتى يتقادى جهدي

و نولي دموع في عيون الناس

و ما كاين باس

وانت يا اللي لا ترحمني لا ترحمني
وعندك ترفق و تحن عليا
و سهرني منطعم النوم من النوم حرمني
وخلي صورتو قبالة عينيا
العين حالفة زينك ما تنساه
وخا انت تنسى تنسى او تغيب
قلبي يحلف غيرك ما يهواه
انت اول و اخر حبيب

يا دموعي يا اغلى ما عندي
سيلي رخيصة ما كاين باس
حتى ندوب حتى يتقادى جهدي
و نولي دموع في عيون الناس
و ما كاين باس

موحال يفهمو او يعذروني
و يخليو القلب يكفيه اللي فيه
هادو كيغيرو هادو حسدوني
خليوني نبغيه انا تنبغيه
قلبي بغى يجرب
قلت نخلييه يجرب
يطير مع الحب و يعرف سماه
انا عطيت قلبي ما ندمت عليه
وخا الشوق كواني و كواه

يا دموعي يا اغلى ما عندي
سيلي رخيصة ما كاين باس
حتى ندوب حتى يتقادى جهدي
و نولي دموع في عيون الناس